top of page

木門有什麼節省空間的設計嗎?

香港住宅大多空間狹小,不少為如何善用室內空間而費盡心思,

不少人有想過,把房間的木門換成趟門以解決煩惱


好多客人都知道想節省空間可以用趟門,但趟門有幾種裝法呢? 除左趟門又有咩節省空間好方法呢?

等Master Class話你知啦


木摺門

好多客人見到我地門市木摺門門板都會驚訝, 表示"原來可以咁樣做", "咁樣都好慳位"之類.其實大多數門款都可以做到木摺門, 可以造玻璃/無玻璃門款牌可以.


多數如室內空間不足, 唔夠打開一隻掩門,但又唔夠位做趟門就會做摺門.常見於廚房/廁所/工人房等等...正可謂最慳位之選.


木殼趟門(鋁路軌趟門)

木殼趟門是最常見,亦係最多人做嘅趟門做法,門頂安裝上靜音趟軌,再訂購跟木門顏色一致的木殼作修飾會用木殼遮住鋁路軌,作裝飾,遮醜之用. 適合大多數家居裝修風格,簡約,耐看.而木殼多數會喺門鋪一齊訂購,同木門顏色及物料一致. 但都有師傅會另外為客人訂造飾面板,跟返天花/牆身顏色做裝飾.

幽靈趟門(隱形路軌趟門)

幽靈趟門是比較新式的做法,亦係近期最高查詢度的趟門造法. 特點係路軌可以完美咁隱藏喺門入面, 就好似隻門自由咁飄走喺牆上面一樣.

實際做法我地會喺門上面開返個凹位去暗藏返枝路軌,好多客人就係中意佢見唔到路軌,覺得咁樣比較簡潔,美觀同高級.

但呢款門對尺寸都有要求, 因路軌尺寸有限制, 如門過闊未必可以造到.

谷倉趟門(谷倉路軌)

穀倉門設計源於歐美農莊穀倉的門BARN DOOR, 安裝後可以直接見到黑漆金屬零件,會有粗獷、原始嘅味道,因此與工業風、北歐風設計特別配襯。穀倉門多數會用於廚房門、睡房門或者客廳與房間之間嘅間隔。

除左用穀倉門,近年亦興谷倉路軌起搭配玻璃門或復古風的木門,係工業風/復古風愛好者首選.但門樑或牆身需承受懸掛穀倉門的重量,安裝時要留意牆身是否空心牆或非承重牆,避免影響單位結構。




趟門注意事項

除左介紹趟門外, 呢到有多幾點想提醒返大家裝趟門有咩需要注意

1.記得要預留適當空間安裝

趟門會向左或者向右趟開,安裝之前一定要先預留足夠空間收納趟門,避免被其他傢俬或掣位阻住.


2.吊軌嘅質素好重要

因為吊趟門地面係冇路軌嘅,主要係靠吊軌去承受成隻門嘅重量,長期嘅承重有機會令吊軌容易損壞及老化,甚至令度門會有下沉嘅情況出現🤦🏻。另外,有啲質素較差嘅吊軌會發出噪音,甚至開關都唔暢順,所以揀吊軌嘅時侯卜就要小心啦


3.. 避免掛太重物件喺趟門上

由於空間有限,好多人會掛衫喺房門後門。但如果用趟門,大家就要避免掛太重嘅物件喺趟門嘞。因為咁樣會加重左吊軌嘅承重,令吊軌更容易老化。

.


bottom of page